Zëvendëskryeministri i Serbisë, njëherësh ministër i Punëve të Brendshme, Ivica Daçiq, ka thënë sot se është vrarë personi që në orët e para të së enjtes (18 korrik) vrau policinë në Serbi, Nikolla Krsmanoviq.
“Pjesëtarët e policisë vranë vrasësin e policit në afërsi të Loznicës”, tha Daçiq.
Identiteti i personit të vrarë nuk është përmendur në njoftimin e lëshuar nga autoritetet serbe në pasditen e 19 korrikut.
Sipas informacioneve të Gazetës “Blic”, Faton Hajrizi ka tentuar të kalojë lumin Drina dhe të arratiset në Bosnje-Hercegovinë, por nuk ia ka dalë, kështu që është fshehur në një kompleks të braktisur fabrike, “ku prej vitesh fshihen migrantët” në pritje të një “lidhjeje” “për të ikur përtej Drinës.
Hajrizi ka qëlluar në drejtim të policisë, ndërsa si pasojë e shkëmbimit të zjarrit me policinë ka mbetur i vrarë.
