Edmond Haxhia, i cili planifikoi dhe organizoi vrasjen e biznesmenin në Shëngjin, Ardian Nikulaj, është vënë në pranga. Haxhia, si edhe 2 bashkëpunëtorët anglezë që kanë luajtur rolin e vëzhguesit, Thomas Mithan dhe Steven Hunt, janë arrestuar në Britani të Madhe.
Për këtë ngjarje, vijon të jetë në kërkim ekzekutori, portugez Ruben Saraiva dhe 2 anglezët, Harry Simson dhe Harriet Bridgeman. Nga informacionet paraprake mësohet se arrestimi i tyre është bërë në Londër, ku ishin arratisur menjëherë pas ngjarjes. Të tre kanë qenë nën shoqërinë e njërit tjetrit, në momentin kur iu janë vënë prangat. Tashmë pritet që të kryhet ekstradimi i tyre drejt Shqipërisë.
Edmond Haxhia është djali i dajës së Elton Lekstakajt. Nikulaj ishte në hasmëri me fisin Lekstakaj prej vitit 1997 për shkak të një pretendimi se nuk ishin paguar 10 mijë lekë të vjetra në një karburant.
Pas këtij debati u ekzekutua Pëllumb Nikulaj, vëllai i Ardian Nikulaj dhe një pjesëtar i fisit tjetër. Shtatorin e 1997, u vranë Gëzim Lekstakaj, i njohur si Raci dhe Laurent Gjetja, i biri i poetit të njohur, të ndjerit Ndoc Gjetja. Lekstakajt asokohe akuzuan Nikulajt. Dy vite më vonë, pjesëtarët e familjes Lekstakaj, vihen sërish në shënjestër. Në mars të vitit 1999, vritet Gjovalin Lekstakaj dhe plagoset. E siç duket saga e gjakmarrjes vijoi deri më 19 prill, ku u vra në lokalin e tij biznesmeni Ardian Nikulaj.
