Ndoshta vitet e fundit gjithnjë e më shumë personazhe te njohur janë mësuar me shenjat e moshes si floket e bardha apo rrudhat, veçanërisht femrat që vuajnë me shumë nga stereotipet, por në përgjithësi një person që duket më i ri se mosha e tij nuk resht së qeni objekt i admirim. Sidomos kur flasim për Vera Wang e cila nuk duket sikur feston ditëlindjen e saj të 74-të.
Siç komentoi ajo, është karriera e saj, si stiliste ajo që i jep një motivim për të vazhduar të bëjë atë që do më shumë. “Jam e kënaqur që njerëzit mendojnë se po rritem mirë, por ky nuk ishte kurrë qëllimi im. Unë pi vodka, fle dhe shmang diellin. Por më pëlqen edhe puna ime”.
Wang filloi markën e saj në moshën 40 vjeçare, me një hyrje dinamike në industrinë e dasmave dhe veshjeve të nusërisë: “Unë i kam qenë gjithmonë e përkushtuar punës sime, është filli im i jetës që më sfidon prej vitesh. Mendoj se mendja jonë është më e fuqishme se sa mund ta imagjinojmë. Sfidat e jetës dhe punës sonë janë ato që na mbajnë përpara. Këto, dhe fle – mund të fle gjithë ditën .’
Në të vërtetë, gjumi luan një rol të rëndësishëm në jetën e saj. Ajo përpiqet të flejë të paktën shtatë orë çdo ditë. Gjithashtu, siç shton ajo, përpiqet të mbajë gjithmonë krem kundër diellit për të mbrojtur lëkurën e saj, por në të njëjtën kohë nuk ngurron të kënaqet, disa mbrëmje, me një koktej vodka.
A mund të jetë ky sekreti kundër plakjes?
