Presidentja e “Top Channel”, Vjollca Hoxha ka bërë sot një komunikim zyrtar me drejtuesit e departamenteve. Ajo ka bërë të ditur se nga sot Ben Blushi do të jetë Drejtori i Përgjithshëm i “Top Channel”.
“Kam kënaqësinë të njoftoj të gjithë shikuesit dhe punonjësit e ‘Top Channel’ se duke filluar nga sot z.Ben Blushi do të jetë Drejtor i Përgjithshëm i ‘Top Channel’.
Si një gazetar, shkrimtar dhe politikan që ka vendosur pavarësinë dhe të vërtetën mbi çdo interes, jam e bindur se z.Blushi do të ndihmojë ‘Top Channel’ për të hapur një cikël të ri komunikimi dhe informimi me të gjithë dashamirësit tanë në krejt hapësirën shqipfolëse.
Dua t’i siguroj të gjithë se ‘Top Channel’ i mbetet besnik parimeve tona si një media e lirë, e pavarur dhe profesionale, e cila ka qenë, është dhe do të jetë përherë në shërbim të së vërtetës dhe lirisë së informimit”, ka thënë Presidentja Vjollca Hoxha në komunikimin e bërë.
