Për familjen Hoxha sot është një ditë e veçantë. Presidentja e “Top Channel”, Vjollca Hoxha feston sot ditëlindjen dhe e para që ka nxituar ta urojë publikisht është vajza e saj e madhe, Lori Hoxha.
Blogerja e njohur ka postuar në “Instagram” tortën me të cilën ka surprizuar mamin dhe e ka shoqëruar edhe me një dedikim special.
“Për sa kohë ti të jesh duke qeshur, ne të gjithë do të jemi në rregull. Gëzuar mam”, shkruan Lori në urimin kushtuar mamit me rastin e ditëlindjes.
Pas këtij postimi të shumtë kanë qenë personazhet e njohura që kanë nxituar ta urojnë Lorin për ditëlindjen e mamit. Midis këtyre urimeve spikat edhe ai i Amarda Toskës.
“Si kjo ditë çdo ditë e vitit! Paçi vetëm festa në familjen tuaj të bukur! Gëzuar mamit”, shkruan Amin në urimin e saj.
Ndërkohë të gjithë jemi gjithë sy e vesh për të parë surprizat e tjera të përgatitura për Vjollca Hoxhën në ditën e saj speciale.
