Reagimet e mesazheve janë më në fund të disponueshme në WhatsApp dhe mund të aktivizohen nga opsionet e mesazheve.
Funksioni, i cili lejon përdoruesit të reagojnë ndaj një mesazhi në bisedë me një emoji ka qenë prej kohësh i disponueshëm në aplikacione të tjera si Facebook, Messenger, Instagram dhe Signal, por na ka munguar në WhatsApp. Sidoqoftë, si Mark Zuckerberg ashtu edhe CEO i WhatsApp-it, Will Cathcart, e lajmëruan funksionin në mënyrë të përsëritur përpara se të shpallnin një datë përfundimtare të lançimit disa javë më parë.
Në pronësi të Meta, WhatsApp-i është një nga aplikacionet më të njohura të mesazheve, krahas Facebook Messenger, Signal, Telegram, iMessage, etj. Përveç iMessage, i cili është ekskluziv për pajisjet Apple, të tjerët janë ndër-platformë, që do të thotë se janë në dispozicion si në Android ashtu edhe në iOS.
WhatsApp ofron shumë veçori thelbësore që kanë kontribuar në suksesin e tij globalisht, duke përfshirë verifikimin me dy hapa, mesazhet që zhduken, përditësimet ditore të statusit, njoftimet e personalizuara dhe më shumë. Përveç kësaj, me paraqitjen e funksionit të ri, ‘reagimet e mesazheve’ janë shtuar në listë.
Reagimet e mesazheve mund të përfshijnë një mori emoji të ndryshëm që i tregojnë personit në anën tjetër të një bisede se si ndihet marrësi për mesazhin. Ato janë një mënyrë vizuale për t’iu përgjigjur një mesazhi pa shkruar një përgjigje. Për të përdorur opsionin e ri, shkarkoni dhe instaloni versionin më të fundit të WhatsApp nga App Store ose Play Store.
Funksioni sapo ka filluar të shfaqet nga ana e serverit, që do të thotë se mund të duhen disa ditë që të jetë i disponueshëm për të gjithë. Pra, nëse nuk është ende i disponueshëm për disa përdorues, kontrolloni përsëri pas disa ditësh.
