Lumturi Ratkoceri është tashmë kryetarja e Aleancës Kuqezi, pas dorëheqjes së Kreshnik Spahiut.
Rrugëtimi i saj në politikë zë fill në vitin 2004 si drejtorëshë e “Universitetit Shqiptar të Gjenevës”, për të mbërritur aty ku është sot, si kryetarja e AK. Gjatë një interviste për “Gazetën Shqiptare”, Ratkoceri ka rrëfyer diçka më shumë për hapat e saj në politikë, pse zgjodhi AK, por edhe për raportin e saj me nusen, Floriana Garon.
Ditëve të fundit ajo është vendosur në qendër të vëmendjes së mediave rozë dhe kjo pikërisht për faktin se Lumturi Ratkoceri është vjehrra e moderatores Floriana Garo. Ajo ka treguar diçka më shumë për marrëdhënien e saj me Florianën, e cila është shprehur se nuk është aspak një raport tipik nuse- vjehrrë si dhe nuk e ka fshehur dëshirën e madhe për t’u bërë gjyshe.
Kohët e fundit jeni përfolur në media edhe si vjehrra e Floriana Garos; nga është njohur djali juaj me moderatoren simpatike?
Enisi dhe Floriana janë njohur në një udhëtim në Itali.
Si është Lumturia si vjehërr? Më shumë jeni mikesha, apo respektoni raportin klasik nuse-vjehërr?
Unë dhe Floriana as që e kemi parë ndonjëherë raportin tonë me syrin e vjehrrës dhe nuses. Ne njihemi prej një viti dhe marrëdhënia jonë është e dy mikeshave të mira që e vlerësojnë dhe e respektojnë shumë njëra-tjetrën.
A i ke kërkuar çiftit të ri të të bëjnë gjyshe?
Sigurisht që e pres me padurim momentin kur do të bëhem gjyshe. Është ëndrra e çdo nëne. Por vendimi i takon çiftit dhe unë e respektoj këtë
