Alfio Rrotani dhe Fatma Methasani kanë treguar disa të pathëna në lidhje me marrëdhënien e tyre dhe momentin kur prindërit e mësuan se duheshin.
Në një intervistë për “Class”, Fatma tregoi se nëna e saj nuk i rezistoi dot tundimit për t’i bërë një pyetje të drejtpërdrejtë për pamjen e Alfios.
Duke qenë se e kishte parë nga televizori e dinte mirë që dhëndri i ardhshëm e ka trupin me tatuazhe, ajo e pyeti: “Po tatuazhet hiqen?”
Alfio jo vetëm që nuk bëri përpjekje për t’ia plotësuar dëshirën vjehrës por bëri që ajo të kishte simpati për tatuazhet kur bashkë me Fatmën bënë një tatuazh të përbashkët.
Bëhet fjalë për një tatuazh në formë pike në dorë kur festuan 1-vjetorin e lidhjes.
Më pas Alfio bëri dhe një zemër të kuqe për ditëlindjen e Fatmës duke treguar kështu dashurinë e madhe që ka ndaj saj!
