Anjeza Shahini u bë mama për herë të parë në mars, kur solli në jetë një vogëlushe të cilën e quajti Victoria. Tashmë 6 muajshe, Victoria ose Tori- siç e thërret e ëma- bëri vizitën e parë në kopshtin zoologjik.
Këngëtarja ndau në Instagram momentet e veçanta me vajzën, së cilës ia zbuloi pakëz fytyrën në një postim ku shfaqen pranë gjirafave.
“Vizita e parë e Torit në kopshtin zoologjik”, shkruan Anjeza.
Me to ishte edhe bashkëshorti i Anjezës, diplomati britanik Paul Edward Conolly. Në njërën foto duket teksa mban në krahë të bijën duke i treguar elefantët.
Vizitën e bënë në kopshtin zoologjik të Upton by Chester, një fshat i qytetit të Chester-it i cili gjendet në veriperëndim të Anglisë.
Anjeza Shahini jeton prej vitesh në Britaninë e Madhe. Ajo u martua me diplomatin Paul Edward tri vite më parë.
