Në një nga ndalesat e Kim Kardashian në Dubai ishte edhe vizita në një qendër të personave me aftësi të kufizuara. Por duket se kjo vizitë ka sjellë disa telashe, pasi kjo qendër është nën hetim për mosmarrjen e një aprovimi të mëparshëm për vizitën e Kim.
36-vjeçarja ka bërë një ndalesë në “Rashid Center for the Disabled” më 16 janar. Në disa postime të publikuara në rrjetet sociale, ajo është parë teksa argëtohet me disa fëmijë duke marrë pjesë nëpër aktivitete me fëmijët, të cilët mbanin veshur bluza me fytyrën e Kim.
Sipas gazetës “Emarat Al Youm”, hetimi është fokusuar në mënyrën se si Kim është lejuar të jetë e pranishme në këtë qendër pa marrë një leje nga qeveria.
Burimi: Daily Mail
