Ishin dy të rinj me shumë aspirata për të ardhmen, ëndrra të mëdha për të realizuar dhe një ndjenjë të veçantë për njëri-tjetrin. Atë e thërrisnin në Tiranë “Arta e Prishtinës”, vajza e cila theu tabutë në botën e ekranit shqiptar.
Ndërsa sot e kujtojmë si “Didin e keqe” te “Njerëz dhe Fate”. Aktorja Arta Muçaj vendosi në vitin 1993 që të vinte në Tiranë, në kryeqytetin që i fali famë, por edhe dhimbjen e një dashurie të humbur.
Lidhja e saj në vitet 2000 me kantautorin Bojken Lako u bë publike dhe katër vite pas ndarjes vetë aktorja nga Kosova vendosi të tregonte për arsyet e ndarjes. Nga një vajzë e thjeshtë, në një nga aktorët më të arritura kosovare, Arta Muçaj, luajti rolin e vajzës së keqe në telenovelën e parë shqiptare, “Njerëz dhe fate” të regjisorit Ylli Pepo. Për herë të parë një skenë nudo në ekranin shqiptar, për të vazhduar më pas dhe me filmin kosovar “Vjeshta e trëndafilave”.
Ndërsa Bojken Lako në atë kohë një këngëtar, i cili vinte nga një familje artisësh dhe ishte në kërkim të famës së vendosur nga emri i tij.
Pas kaq shumë vitesh shumë e kanë harruar dashurinë e tyre deri më sot, kur fotot e siguruara nga “iconstyle.al” sjellin ndërmend historinë e dy të rinjve.
Në dy fotot e publikuara më poshtë çifti qëndron i ulur në një kafene, me dy filxhane dhe një paketë në tavolinë.
Në njërën prej tyre shqyrtojnë bashkë një letër:
Ndërsa në tjetrën janë të përqafuar dhe me shikimet e përhumbur. Kantautori Bojken Lako mban një cigare në dorë, ndërsa Arta përqafon fort partnerin e saj:
Fotoja e tretë është më intime, pasi tregon çiftin duke u puthur symbyllur në buzë. Një çast i mbetur kujtim në këtë imazh, që tregon ndjenjën e vërtetë mes tyre.
Por pse u nda në atë kohë Bojken dhe Arta?
“Nuk isha ndarë me Bojkenin, kur vendosa që të largohesha për në Prishtinë. Në atë kohë raportet tona ishin zbehur. Unë isha mjaft e rënduar nga lufta në Kosovë, ai ishte tejet I zënë me planet e tija krijuese. Kërkoja që shumicën e kohës ai të ma dedikonte vetëm mua, gjë të cilën ai nuk ma jepte dot. Vendosa që të largohem nga Tirana për pak kohë në mënyrë që të qetësoheshim”, tregoi Arta gjatë një interviste vite më parë.
Ajo pranoi se historia me Bojken Lakon ka qenë vërtetë një lidhjen e fortë dhe e sinqertë dashurie:
“Kam pasur një lidhje të gjatë. Lidhja jonë ka qenë shumë perfekte, nuk e di pse ka përfunduar. Kot! Njeriun mund ta humbësh shumë lehtë. Më vonë e kërkon, por gjithçka në jetë ndodh për një arsye. Ndoshta edhe ndarja ime ka ndodhur për një arsye. Nuk ka qenë profesioni ai që më ka ndarë nga i dashuri, por largësia”.
