Pas njoftimeve për dy rastet me infeksione në Francë dhe një rasti të dyshuar në Austri, koronavirusi tani mund të ketë arritur në Zvicër.
Mediat zvicerane shkruajnë se janë duke u trajtuar dy raste si të dyshuar dhe ata po mjekohen në një spital në Zyrih.
Personat e dyshuar mësohet se kanë qenë në Kinë dhe kanë zbritur në aeroportin e Zvicrës.
Ende nuk janë konfirmuar si raste, megjithatë mundësitë nuk përjashtohen.
Autoritetet shprehen se vendet që kanë aeroporte të mëdha janë mjaft të rrezikuar, ndaj kujdesi duhet të jetë i madh.
Deri tani mësohet se virusi është shpërndarë në më shumë se 10 vende dhe në Kinë numri i të vdekurve ka shkuar në 56.
