Ndërkohë që të gjithë mjekët po bëjnë thirrje për distancim social, në veçanti në klube e lokale nate, me sa duket Durrësi e harroi virusin të premten në darkë.
Kjo pasi Dafina Zeqiri mblodhi një numër të madh fansash në koncertin e saj në qytetin bregdetar, të cilët harruan që po jetojnë në kohë pandemie dhe virusi ende nuk ka ikur.
Dafina Zeqiri performoi në një klub në Durrës, i cili në pamjet e publikuara ishte i stërmbushur.
Në rrjete sociale janë publikuar disa video, në të cilat shihet qartë se asnjë masë për distancim social kundër COVID-19 nuk është respektuar nga të pranishmit.
Këngëtarja shfaqet e distancuar në skenë, shumë larg publikut. Por ndonëse një ambient i hapur, pista e kërcimit duket e tejmbushur me njerëz që kërcejnë shumë pranë njëri-tjetrit.
Epo megjithëse të gjithë e meritojmë të bëjmë qejf këtë verë pas karantinës, le të mos harrojmë se virusi është ende në mesin tonë.
https://www.instagram.com/p/CCWU1GWJo2c/
