Djali i kryeministrit Edi Rama, Greg Rama, ka zbuluar se ka fituar betejën me koronavirusin. Ai ka treguar se ka marrë trajtim në shtëpi dhe se tani ndihet më mirë fizikisht e mendërisht.
Greg shprehet se ka bërë analizat dhe se tani është gjithçka mirë. Ai ka falenderuar në çdo fjalë mjekët e infermierët, të cilët po përballen në vijën e parë të frontit të luftës me virusin e rrezikshëm. Në fund Greg Rama ju ka uruar të gjithëve që po luftojnë me virusin shërim të shpejtë.
Postimi i Greg Ramës
Një falënderim mjekëve që u kujdesën për mua dhe mbi të gjitha respekt për mjekët dhe infermieret e Senatoriumit. Ndjej detyrimin t’ua shpreh publikisht në kushtet kur realisht po punojnë nën një stres të paparë dhe çfarë nuk po detyrohen të dëgjojnë! Për fat të mirë pas analizave që më morën në spital dhe trajtimit që mora në shtëpi ndjehem shumë më mirë fizikisht dhe mendërisht. U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë! Uroj të shkuara dhe shërim sa më të shpejtë gjithë atyre që po përballen me këtë virus të pabesë!
