Komiteti Teknik i Ekspertëve ka vendosur 3 masa të reja për parandalimin e përhapjes së mëtejshme të Covid-19 në vend. Përfaqësuesja e komitetit, Albana Fico, ka deklaruar se duke parë situatën është parë e nevojshme që të merren masa shtesë nga ekspertët.
3 masat e reja anti-Covid janë si më poshtë:
- Ndalohen grumbullimet me më shumë se 10 persona në vende të hapura dhe të mbyllura
- Ndalohen mbledhjet partiake dhe tubimet.
- Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë
“Në tre spitalet Covid janë shtruar 406 paciente. Aktualisht rreth 20-25% e kapaciteteve janë ende të lira në katër strukturat e dedikuara për trajtimin e rasteve ndërkohë qe skenarët e përfshirjes së spitaleve rajonale janë gati në momentin që do ketë ezaurim të katër spitaleve Covid. Terapitë intensive kanë një numër të qëndrueshëm të pacienteve në kujdes intensive. % e humbjes së jetëve në raport me numrin e të prekurve është 2,2%”, deklaroi Fico.
Ndërkohë para disa javësh u vendos që të rikthehet ora policore në vend. Nga ora 22:00-06:00 është e ndaluar lëvizja përveç rasteve urgjente apo për punë, gjithashtu edhe baret e restorantet qëndrojnë të mbyllur gjatë këtij orari, ndërsa administrata publike punon nga shtëpia.
