Videot e Princit William kanë qenë tashmë një trend për një kohë të gjatë në rrjetin social TikTok , veçanërisht ato që nxjerrin foto dhe video të adoleshencës së tij ose ditëve të para të lidhjes me Kate Middleton.
Megjithatë, tani djali i madh i mbretit Charles ka vendosur të bëhet një “krijues” duke shpërndarë TikTok-un e tij të parë dhe duke bërë kështu debutimin e tij në platformë.
Për ta bërë këtë, ai zgjodhi profilin e Earthshot Prize – çmimi i krijuar së bashku me David Attenborough për të shpërblyer projektet dhe zgjidhjet më të mira mjedisore – në të cilin u publikua një video që njoftonte se “Fituesit e këtij edicioni do të shpallen në një ceremoni që do të mbahet më 2 dhjetor në Boston.”
@theearthshotprize Together, we will make the impossible possible and repair our planet this decade. #savetheplanet #climatechange #EarthshotPrizeBoston2022 #climateaction #explore #Earthshotprize #nature #PrinceWilliam ♬ original sound – The Earthshot Prize
Debutimi i Princit William në TikTok u përshëndet shumë pozitivisht nga përdoruesit, duke gjykuar nga komentet që u shfaqën menjëherë pas publikimit të videos. Ajo që u pëlqeye më shumë ishte fakti që Princi zgjodhi të shfaqeshej në platformë për herë të parë për të mbështetur një iniciativë në lidhje me luftën kundër ndryshimeve klimatike. Çmimi “Earthshot” është një projekt i rëndësishëm për Princin William i cili, në vitin 2021, vendosi të angazhohet në mënyrë aktive për arritjen e objektivave të zhvillimit të qëndrueshëm të vendosura nga OKB deri në vitin 2030. Çdo vit, deri në një datë të caktuar nga Kombet e Bashkuara, ajo do të shpërblejë 5 projekte – nga kategori të tilla si restaurimi dhe mbrojtja e natyrës, pastrimi i ajrit, mbrojtja e oqeanit, jeta pa mbeturina dhe veprimi klimatik – duke dhuruar 1 milion £ për realizimin e tyre.
Ceremonia e ndarjes së çmimeve do të jetë një nga momentet kyçe në udhëtimin në Shtetet e Bashkuara, i pari në 8 vjet, i Princit dhe Princeshës së Uellsit. Çifti do të qëndrojë në Boston nga 30 nëntori deri më 2 dhjetor, ku do të takohen me autoritetet e qytetit dhe do të vizitojnë qendrat dhe shoqatat që merren me fëmijët dhe luftën kundër ndryshimeve klimatike.
