Dasma mes aktorit francez Vincent Cassel dhe modeles 30 vjet më të re Tina Kunakey, ishte kryefjala e mediave rozë këtë fundjavë.
Dyshja na surprizoi vërtet kur nxitoi drejt Francës për të kurorëzuar dashurinë.
Në një fshat të vogël buzë detit, larg zhurmës dhe paparacëve, Vincent dhe Tina kremtuan dashurinë e tyre, në një festë që u organizua vetëm për ta.
E ndërkohë që fotot e dasmës nuk vonuan shumë të dilnin online, një tjetër video është shpërndarë sot nga vetë aktori francez, i cili tregoi lumturinë e madhe që ndjen pasi u martua me gruan e ëndrrave.
Vincent shihet teksa këndon në gjuhën portugeze dhe aty diku mes vargjeve dëgjuam të thoshte: “Jam i lumtur”.
Tina ishte ajo që e filmonte bashkëshortin e saj, i cili ishte zhveshur nga kostumi i dhëndrit për të mbajtur vetëm një peshqir të lidhur në brez. Epo kësaj i thonë, dashuri e vërtetë!
