Ai është një prej aktorëve më të ndjekur dhe më të famshëm në Turqi. Rrjedhimisht kërkesat e shumta që ka, e bëjnë Burak Ozcivit që të jetë edhe një ndër aktorët me pagesën më të madhe në kinematografinë turke.
Këtë e vërteton fakti që aktori, i njohur gjerësisht si “Kemal” në Shqipëri, për shkak të rolit të tij në serialin “Kara Sevda”, investon shumë në pasuri të paluajtshme.
Së fundi, ka qenë bashkëshortja e tij, Fahriye Evcen, ajo që ka zbuluar disa pamje nga oborri i vilës ku çifti jeton pas martesës.
Aktorja po filmonte një qenush që i kishte ardhur mysafir tek shtëpia, por syri na shkoi të luksi që rrethonte vilën e tyre gjigande e rregulluar plot stil dhe shije. Vila, e ndërtuar në një nga zonat më të njohura në Stamboll, Beykoz, ka 4 kate, kopsht dhe një pishinë.
Çuditërisht, aktorja i fshiu menjëherë pamjet e banesës, të cilat tërhoqën vëmendjen e mediave më tepër sesa mysafiri i saj.
