Një shtëpi të tillë do të mund ta ëndërronim vetëm nga celebrities ose do ta shikonim në shtëpitë e perandorëve! Por në fakt pronar i saj është Kened Frrokajt nga Kosova. Shtëpia e tij tërhoqi vëmendjen për nga madhështia dhe bukuria gjatë reportazhit “Ma pikturo ëndrrën”.
Shtëpia 550 metra katrorë ndodhet në fshatin Planqor të komunës së Gjakovës. Madhështia në pamjen e saj ballore të lë përshtypjen se i zoti i saj ka shpenzuar miliona dhe nga detajet kupton se e ka bërë me shumë dashuri dhe përkushtim.
Ngjyra e saj e bardhë nga jashtë kombinon me gjelbërimin e pafund, ajo është rrethuar nga skulpturat e mbretërve ilirë në të dyja anët e saj, si dhe 16 shtyllat prej mermeri të stilit klasik të vendosura në pjesë të ndryshme. Po ashtu, nga brenda ajo është mahnitëse, e mbushur me piktura, skulptura dhe shandanë madhështorë dhe mobilie të stilit klasik.
