Operatori i kanalit “Fox News”, Pierre Zakrzewski ka humbur jetën gjatë raportimit të luftës në Ukrainë.
Lajmi u bë publik nga “Fox News” përmes të cilit shpjegohej se Zakrzewski vdiq këtë të hënë (14 mars), në të njëjtin aksident ku mbeti i plagosur edhe korrespondenti Benjamin Hall.
Pierre nuk ka mundur t’i mbijetojë plagëve të marra dhe ka ndërruar jetë këtë të martë.
“Fox News” njoftoi sulmin ndaj Hall të hënën, duke thënë se gazetari “u plagos gjatë mbledhjes së lajmeve jashtë Kievit në Ukrainë”.
Zakrzewski dhe Kuvshinova vdiqën “si rezultat i bombardimeve me artileri nga trupat ruse në pjesën verilindore të fshatit Gorenka”, tha kp.ua.
CEO i “Fox News”, Suzanne Scott ka shprehur pikëllimin për humbjen e operatorit të dashur, që u vra në Horenka, pranë Kievit.
“Pierre ishte fotografi i luftës që mbuloi pothuajse çdo histori ndërkombëtare për FOX News nga Iraku në Afganistan dhe në Siri gjatë qëndrimit të tij të gjatë me ne”, shtoi ajo. “Pasioni dhe talenti i tij si gazetar ishin të pakrahasueshëm”.
Zakrzewski, 55 vjeç, ndihmoi afganët që kishin punuar për Fox News të largoheshin nga vendi verën e kaluar pas tërheqjes së SHBA-së, shtoi Scott.
“Ai luajti një rol kyç në nxjerrjen e bashkëpunëtorëve tanë të pavarur afganë dhe familjeve të tyre. Në dhjetor, në çmimet tona vjetore në qendër të vëmendjes së punonjësve, Pierre iu dha çmimi ‘Unsung Hero’ në njohje të punës së tij të paçmuar.”
