Pas videove skandaloze të publikuara në media, ku shihej shtetasja Margarita Gjoni duke kërcënuar e dhunuar shtetasen Brisilda Rroku pasi kjo e fundit kishte shkuar me partnerin e Gjonit, Ndojës, Gjykata e Shkodrës ka liruar 31-vjeçaren duke vendosur vetëm detyrim paraqitje.
Pamjet e rënda nga videot e publikuara ku shihej se si Gjoni kërcënonte, ushtronte presion dhe dhunë fizike ndaj 18-vjeçares Brisilda Rroku, morën reagime të shumta.
Pas arrestimit nga policia, 31-vjeçarja Margerita Gjoni është lënë në masën ‘arrest shtëpie’ nga Gjykata e Shkodrës.
Gjatë seancës së sotme gjyqësore, Gjoni ka shprehur pendesë për dhunën e ushtruar ndaj vajzës, ngjarje e cila u bë virale në rrjet pasi u publikuan edhe videot e dhunës, presionit dhe kanosjes.
“Jam penduar, u trondita nga tradhëtia dhe prandaj e bëra atë gjë. Nuk doja ta dhunoja,” është shprehur në seancë Gjoni.
Avokati i 31-vjeçares, Besmir Kolci është shprehur se Gjoni është penduar, teksa shtoi se të dhunuarën e ka patur edhe shoqe.
“Kur e ka marrë vesh cfarë ka ndodhur është tronditur prandaj e ka goditur. E ka patur shoqe, e ka mbajtur me të ngrënë e me të pirë,”- ka thënë avokati Kolci.
Mësohet se Gjoni dhe bashkëshorti i saj, Ndue Preka, i cili njihej edhe si “Noja”, për të cilin u bë i gjithë sherri, janë në proces divorci prej tre muajsh.
Ndërkohë në jetën e saj të shpërfaqur në rrjetet sociale, Margarita Gjonit duket që i pëlqen luksi dhe reklamimi i vetes.
Ajo është aktive në rrjetet sociale duke postuar foto me euro, dhurata të shtrenjta dhe darka.
Në një prej postimeve 31-vjeçarja Gjoni shihet teksa ka hapur mbi krevat tufa parash me 50 dhe 100 euro.
