Një video prekëse e një djali që tallej nga bashkëmoshatarët në shkollë , është bërë virale në internet. Djaloshi i quajtur Keaton Jones, flet për vështirësitë që kalon në shkollë dhe ngacmimet.
I filmuar nga nëna e tij, ai tregon se përditë haset me fyerje dhe sulme fizike nga bashkëmoshatarët. Keaton thotë se ata e quajnë të shëmtuar dhe vazhdimisht tallen me hundën e tij.
“Thjesht nga kureshtja dua të di pse po më ngacmojnë? Cili është qëllimi i tyre? Pse kënaqen duke ngacmuar njerëz të pafajshëm? Si mund të jenë të këqinj me të tjerët. Kjo nuk është në rregull”.
“Njerëzit që janë ndryshe nuk duhet të kritikohen për këtë gjë. Nuk është faji i tyre”, shprehet djaloshi duke qarë.
Që prej publikimit, kjo video është shpërndarë nga qindra persona dhe është parë nga 430 mijë të të tjerë.
Gjithashtu emra të njohur të artit, mes të cilëve Rihanna, Snoop Dogg, Chris Evans etj, kanë mbështetur djaloshin duke e quajtur fjalimin e tij mjaft frymëzues.
