Krishtlindja është dita që bashkon familjen dhe ku të gjithë njerëzit falin më shumë dashuri! Për të festuar me familjen e tij festat e fundvitit, reshteri Ervin Todo është kthyer nga misioni i tij në Afganistan, duke i bërë një surprizë gjithë të afërmve.
Ministrja e Mbrojtjes, Olta Xhaçka, ndau videon emocionuese në rrjetet sociale.
Prej 6 muajsh ai ndodhej në Afganistan, ndërkohë që videoja tregon nga momenti kur ai mbërrin në Aeroportin e Rinas, deri kur bashkohet me familjen.
“Në ditë të bekuara si kjo e sotmja, gjithkush mezi pret të kthehet në shtëpi e të përqafojë familjen. Rreshter Ervin Todo, bashkë me 65 djemtë tanë me mision në Afganistan, pas 6 muajsh mungese dhe në përfundim të misionit të tyre, sot po i bashkohet tryezës së festave. Rreshter Todo nga Batalioni i tretë i Këmbësorisë në Poshnje, surprizoi dy djemtë e tij, bashkëshorten dhe familjen e tij të madhe, duke na emocionuar të gjithëve. Krishtlindje të bardha për të gjitha familjet shqiptare!”, shkruan ministrja.
