Sulmuesi i Manchester United, Cristiano Ronaldo ka kërkuar falje pasi u bë pjesë e një video-skandali ku shfaqej duke thyer telefonin e një tifozi në Goodison Park të shtunën.
Pamjet u shpërndanë në mediat sociale së bashku me komentet që pretendonin se ai e theu pajisjen teksa largohej nga fusha pas humbjes 1-0 të skuadrës së tij në Everton.
Ronaldo, 37 vjeç, më vonë shkroi në rrjetet sociale për të kërkuar falje për veprimet e tij me një postim ku shkruhej:
“Nuk është asnjëherë e lehtë të përballesh me emocionet në momente të vështira siç është ai me të cilin po përballemi”, tha ai.
Rezultati dëmtoi shpresat e United për t’u kualifikuar në Ligën e Kampionëve dhe erdhi kundër një ekipi Everton që ishte një pikë mbi zonën e rënies përpara lojës.
“Megjithatë, ne duhet të jemi gjithmonë të respektueshëm, të durueshëm dhe të japim shembull për të gjithë të rinjtë që e duan lojën e bukur”, shtoi portugezi.
“Unë do të doja të kërkoja falje për shpërthimin tim dhe, nëse është e mundur, do të doja ta ftoja këtë mbështetës të shikojë një lojë në Old Trafford si shenjë e lojës së ndershme dhe sportivitetit”.
Manchester United tha se ata ishin në dijeni për “një incident të supozuar pas ndeshjes së sotme në Everton dhe klubi do të bashkëpunojë me çdo kërkesë të policisë”.
