Një ngjarje e pakëndshme ka ndodhur mbrëmjen e festës së 100-vjetorit të Tiranës së kryeqytet.
Në media është publikuar videoja e një përplasjeje që ka ndodhur midis gazetares Sonila Musaj dhe shoqëruesit të kryebashkiakut Erion Veliaj.
Në video shihet se një nga shoqëruesit e Veliajt e ka përqafuar gazetaren, teksa ajo po përpiqej që t’i merrte një prononcim kryebashkiakut.
Biseda në video:
Gazetarja: Zoti Veliaj…
Sërish gazetarja: Mos më prek
Shoqëruesi: Po të përqafoj
Gazetarja: Po ça të me përqafosh ti, as më njeh fare, si mund të përqafosh një njeri që as nuk e njeh.
Ky gjest është quajtur seksist nga ana e gazetares, e cila nëpërmjet një reagimi ka treguar se do e ndjekë situatën penalisht.
Ajo thotë se shoqëruesi e ka përqafuar vetëm në mënyrë që ajo të mos i afrohet Veliajt për ta intervistuar.
Reagimi i plotë:
Miq që prej moshes 17-vjeçare kam punuar në media sigurisht jam ndeshur me sjellje të shumë personave por si sjellja ndaj këtij punonjësi të bashkisë Tiranë, kurrë.. Sjellja e këtij personi ishte e papranueshme. Seksiste dhe ngacmim i pastër, në emër të gjoja pengimit tonë që të mos intervistonim kryetarin.
Kjo është e patolerueshme që mos të lejojnë të bësh punën tënde. Por unë nuk tërhiqem dhe do të vijoj të jem zëri i qytetareve. Kam biseduar me avokatin tim dhe po hartohet një padi ndaj personit i cili pa më njohur pretendon se po më përqafonte, e vërteta është se ai nuk donte të intervistoja kryetarin e Bashkisë.. Mesa duket, u frymëzua nga fjalimi i Veliaj i cili në 100 vjetorin e Tiranës Kryeqytet u kërkoi pjesmarrësve të përqafoheshin majtas e djathtas…, a thua se po mbytej Titaniku dhe jo të ishim në një festë.
Por një gjë ketu po mbytet. Tirana. Perveç permbytjeve nga shiu, po mbytet si qytet në llum e korrupsion që buron nga zyra e kryetarit të bashkisë e me rradhë. Ky është turp. Puna jonë do vijojë ditë për ditë në krah te interesit qytetar dhe transparencës.
Pak ditë më parë Erion Veliaj u përfshi në një situatë të ngjashme. Ai iu drejtua një gazetari me gjuhë ofenduese, duke i thënë: Do ta dhj*s më keq!
