Së fundmi është bërë publike videoja tronditëse ku dy të burgosur në burgun grek rrahin për vdekje një shqiptar të quajtur Albert Bako.
“Tanea.gr.” e përshkruan ngjarjen që ndodhi më 14 janar të këtij viti si një krim horror në burgun grek të Korydhalos.
Në videon e mëposhtme shihet 37-vjeçari Albert Bako duke iu shmangur agresorëve në korridoret e burgut, ndërkohë oficerët nuk bëjnë asgjë për ta shpëtuar atë. Pasi e rrahën për vdekje, viktimën e vendosin në një barrelë për ta çuar në spitalin e burgut.
Thuhet se Bako sapo ishte transferuar në burgun e Koridhalos në Greqi dhe transferimi i tij ishte mësuar nga anëtarë të një bande rivale.
Arsyeja se përse ai kishte përfunduar në burg ishte sulmi që kishte bërë në Mikrolimano në një lokal, në nëntor të vitit 2014-të, ku mbetën të plagosur 14 persona dhe shkaku i konfliktit thuhet se ishte një kërcimtare.
Po ashtu ai dyshohej si porositës i vrasjes së avokatit grek Jorgos Antonopoulos. /balkanweb
