Video që të ngroh zemrën e një vajze 5-vjeçare që udhëheq babanë e saj për në punë, është përhapur kudo në internet.
Vajza e Nelson Pepe, i njohur ndryshe si ‘Dodong’, punon në një fermë kokosi në Filipine për rreth 9 dollarë në ditë.
Vajza e tij Jenny e ndihmon e lumtur atë për të shkuar në punë çdo ditë, ndërsa e drejton me anë të një shkopi. Pepe paguhet 300 pesos (9 dollarë) në ditë për ngjitjen e mbi 60 pemëve të kokosit në fermë.
Ai është i verbër, por ndonëse sytë e tij nuk shohin dritë, e bija 5-vjeçare është kthyer në simbolin e fëmijës që është ‘drita e syve’ të një babai. Pasi e çon në punë shëndoshë e mirë, ajo e pret me durim derisa ai të mbarojë nga ora 08:00 deri në 16:00.
Videoja është publikuar më 10 qershor në Facebook, nga një filipinase me emrin Rhuby Capunes, duke u shikuar mbi 2 milionë herë, e duke u shpërndarë mbi 50 mijë herë.
Shumë njerëz kanë mbetur të prekur pasi e kanë parë dhe kanë ofruar menjëherë ndihmën e tyre. Capunes po bashkëpunon për mbledhjen e fondeve për të ndihmuar Nelson Pepe të rifitojë shikimin dhe familjen e tij me dy vajza të bëjë një jetë më të mirë.
Burimi: Daily Mail
