Stresi i tmerrshëm i mbrëmjes së djeshme, pasi Anglia e mundur i bëri fansat që të “shkulnin” flokët e tyre, duket se e ka lënë Wayne Rooney komplet pa flokë. Kapiteni i Anglisë dukej se kishte flokë natën e kaluar, por vetëm 12 orë më vonë kur ai doli me skuadrën nga hoteli në Nice, u vunë re disa mungesa flokësh në kokën e tij.
Një ekspert flokësh tha për “Daily Mail” se, 30-vjeçari Rooney, që thuhet se ka shpenzuar më shumë se 30,000 paund me transplantet e ndryshme, mund të ketë përdorur një spraj para ndeshjes, për të bërë që flokët e tij të duken më të plotë para kamerës.
Kapiteni i Manchester United dhe Anglisë investoi fillimisht në transplantin e flokëve në një klinikë në Londër në 2011-n, kur ishte vetëm 25 vjeç. Lloji i transplantit që zgjedhin të pasurit së fundmi quhet “transferimi folikular”.
Gjatë operacionit, flokët transportohen nga zona e pasme e kokës, që nuk ka mungesa, për t’u rimbjellë në zonat e prekura.
*Shfleto galerinë
Burimi: Daily Mail
