Këngëtarja Dafina Zeqiri ka ndarë me ndjekësit e saj në Instagram një postim i cili në fakt nuk i ka pëlqyer aspak.
Dafina ka publikuar lajmin që ka bërë bujë në media, pasi video-lojrat e krijuara me krime lufte në Serbi, janë kundër shqiptarëve të Kosovës.
Në këto video-lojra, lojtari (serb) duhet të vrasë shqiptarët e Kosovës për të fituar, ndërsa njëra prej lojrave paraqet edhe vrasjen e Adem Jasharit.
E revoltuar nga ky gjest, Dafina shkruan e indinjuar në InstaStory se “krimet e luftës janë tashmë një lojë”.
Kjo është një nxitje urretjeje mes popujve që nuk duhet pranuar kurrësesi.
“Krimet e luftës janë një lojë tashmë. Në Serbi, ka grupe që luajnë lojra online me ngjarje të jetës reale, ku protagonistët kryejnë krime kundër shqiptarëve të kosovës për të fituar lojën. Të nxisësh kaq shumë dhunë dhe aspak sensibilizim në një histori të afërt dhe të dhimbshme, është diçka e sëmurë! Mos u kalofshin pa u dënuar veprat e liga!”- shkruan këngëtarja.
