Mbreti Charles III i Britanisë dhe gruaja e tij Camilla inauguruan skenën e festivalit ‘Eurovision 2023’, i cili do të mbahet në fillim të muajit të ardhshëm.
Ata ndezën dritat e skenës gjatë një vizite në vendin e eventit, përkatësisht në qytetin verior anglez të Liverpool-it. Mbreti Charles dhe Mbretëresha Consort, kurorëzimi i të cilëve do të bëhet disa ditë para festivalit, takuan gjithashtu pjesëmarrësen britanike Mae Muller.
“Ne do të shikojmë me interes të madh, duke të nxitur”, i tha mbreti Muller-it.
Liverpool do të jetë qyteti nikoqir i Eurovisionit këtë vit, në emër të shtetit fitues të vitit të kaluar, Ukrainës, e cila nuk ishte në gjendje të organizonte konkursin për shkak të pushtimit rus.
Pas një numërimi mbrapsht nga shikuesit, Charles dhe Camilla zbuluan skenën e madhe të Eurovision 2023 duke shtypur një buton të madh rozë, i cili nisi një seri dritash shumëngjyrëshe deri në prezantimin e skenës.
Eurovision do të mbahet në datat 9 dhe 11 maj (netët gjysmëfinale) dhe 13 maj (finalja e madhe).
