Zyrtarët e shkollës Cincinnati publikuan një video shqetësuese, e cila zbulon se si një sulm në një dhomë të institucionit arsimor më 24 janar lanë një 8-vjeçar pa ndjenja, dy ditë para se të varte veten.
Videoja, e xhiruar nga një kamerë në korridorin e shkollës, tregon se Gabriel Taye u tërhoq zvarrë nga një nxënës tjetër në një banjë dhe u la shtrirë për më shumë se 5 minuta, ndërsa djemtë e tjerë u mblodhën mbi të dhe e godisnin.
Më në fund, zyrtarët e shkollave vijnë në ndihmë, por nëna e Gabrielit thotë se nuk i kanë treguar asaj se djali i saj ishte sulmuar ose kishte humbur vetëdijen.
Tani hetuesit janë duke u përpjekur të përcaktojnë nëse ngacmimi çoi në vetëvrasjen e tij dhe nëse duhet të ngrihen akuza penale.
Në fillim të filmimit, djali shihet duke u shoqëruar me miqtë e tij. Djaloshi me flokët e lyer më pas shihet duke u larguar nga banja. Ai kthehet disa çaste më vonë dhe përshëndet Gabrielin, i cili mban një bluzë me kapuç.
Duket sikur djali dhe Gabrieli po shtrëngojnë duart. Çfarë ndodh më pas është e paqartë.
Gabrieli bie papritur në tokë dhe duket se është në gjendje të pavetëdijshme, megjithëse është e pamundur të dallosh se çfarë i bëri djali.
Avokatët e nënës së Gabrielit, të cilët panë videon pretendonin se ai ishte përplasur në mur, megjithëse është vështirë të dallosh nga pamjet që janë publikuar.
Dy ditë pas ngjarjes, Gabriel Taye vari veten.
Burimi: Daily Mail
