Një klip i publikuar nga dokumentari i fundit i Avicii-t tregon artistin në një gjendje të rraskapitur dhe mezi po përpiqet të mbajë sytë hapur.
“Avicii: True Stories”, i cila u publikua vetëm 6 muaj para vdekjes së tij, përqendrohet tek ylli që informon menaxherët dhe bashkëpunëtorët e biznesit se do të heqë dorë nga turnetë.
DJ-i suedez, emri i vërtetë i të cilit është Tim Bergling, u gjet i vdekur në moshën 28-vjeçare në Oman, Muscat, të premten.
Ndërsa qëndron i ulur në makinë, ai mundohet që t’i mbajë sytë hapur, ndërsa përfaqësuesi i tij i thotë nëse mund të përqendrohet në një intervistë 30-minutëshe me telefon për një radio.
DJ-i bën një pauzë të madhe në klip me sytë mbyllur, para se të përgjigjej: “Po, patjetër”.
Në dokumentarin që flet për betejën e tij me varësinë ndaj alkoolit dhe drogës, ai thotë se do të vdesë nëse nuk ndalon së performuari.
“Kur vendosa të ndaloja, prisja diçka krejt tjetër. Kam pritur mbështetje, duke marrë parasysh gjithçka që kam kaluar. Kam qenë shumë i hapur me të gjithë me të cilët punoja dhe të gjithë ata që më njohin. Të gjithë e dinë se unë kam pasur ankth dhe se jam përpjekur. Nuk prisja që njerëzit të më bënin presion për të bërë më shumë koncerte. Ata kanë parë sa sëmurë që ndihesha duke e bërë këtë”, shprehej Avicii në dokumentar.
Burimi: Daily Mail
