Një udhëtim me anije në Disney u shndërrua në një skenë dramatike shpëtimi kur një baba u hodh nga deti për të shpëtuar vajzën e tij të vogël pasi ajo ra nga kuverta e katërt e anijes.
Incidenti ndodhi të dielën, më 29 qershor, ndërsa anija turistike Disney Dream po përfundonte një udhëtim katër-netësh drejt Bahamas dhe po kthehej në Fort Lauderdale të Floridës. Anija sapo ishte nisur nga ishulli privat i Disney-t, Lookout Cay në Lighthouse Point.
Dëshmitarët okularë thanë se vajza e vogël ra aksidentalisht nga kuverta e katërt në oqean – dhe pa hezitim, babai i saj u hodh menjëherë pas saj. Pak çaste më vonë, pasagjerët dëgjuan një njoftim urgjent në altoparlant: “Burrë jashtë bordit, në anën e majtë!”
Sipas një postimi nga pasagjeri Kevin Furuta në grupin e Facebook-ut Disney Dream Cruise Ship, përgjigjja ishte e shpejtë. “Për fat të mirë, ekipi i shpëtimit DCL ishte menjëherë në vendngjarje dhe të dy u shpëtuan”, shkroi ai.
Raportet thonë se babai arriti ta mbante vajzën e tij mbi ujë për gati 20 minuta, duke qendruarmbi ujë derisa mbërriti ndihma. Një varkë shpëtimi Disney u aktivizua shpejt dhe të dyja u tërhoqën shëndoshë e mirë në bord.
Fatmirësisht, nuk u raportuan të lënduar dhe incidenti shërbeu si një kujtesë për rolin kritik që luan trajnimi i ekuipazhit në raste urgjence.
