Bashkëpunimi i “Victoria’s Secret” me “Balmain” mund të jetë tema më e përfolur, por mos lejoni që kjo t’ju shpërqendrojë nga partneriteti më afatgjatë, ai me “Swarovski”-in.
Ky vit shënon 15-vjetorin e bashkëpunimit të markës së të brendshme me markën e famshme të bizhuterive dhe ata do ta festojnë në mënyrën që dinë më mirë: 1 milion kristale “Swarovski” do të sillen në paraqitje të ndryshme në Shangai, raporton WWD.
Elsa Hosk, është engjëlli i VS, që nga viti 2015, e cila do të mbajë pamjen kryesore në pasarelë. Paraqitja e saj përmban 275,000 kristale me ngjyra, 182 metra fjongo, bizhuteritë dhe 6 kg krahë.
“Janë nga krahët më të rëndë që kemi bërë ndonjëherë”, tha për WWD, Monica Mitro, zv/presidente ekzekutive e “Victoria’s Secret”.
Përveç krahëve, veshja e dizajnuar nga parisieni Serkan Cura, përfshin të brendshme të kuqe, mëngë të gjata të zbukuruara me kristale dhe sandale me pupla.
“Kur mësova që do të vishja paraqitjen “Swarovski”, isha aq e ngazëllyer, pasi gjithmonë kam dashur ta vesh atë. Nuk mund të presë derisa të dalë në pasarelë me të”, tha modelja suedeze.
Hosk ndjek modelen Josephine Skriver, e cila mbajti paraqitjen të mbuluara me kristale “Swarovski” vitin e kaluar në Paris.
Burimi: WWD
