Ajo është paraqitur si e ftuara e radhës në rolin e anëtares së jurisë në “American Idol”, në vitin 2009 por Victoria Beckham tregon se kurrë nuk do të merrte një përgjegjësi të tillë pasi nuk duron dot të shoh veten e saj në televizion.
Kur ajo u pyet nëse planifikonte t’i bashkohet “American Idol”, ish-ylli i Spice Girl u përgjigj: “Jo, në asnjë mënyrë. Nuk duroj dot të shoh veten time në televizion dhe të dëgjoj veten time. Nuk është për mua ai profesion”.
Dhe ndërsa është e njohur për imazhin e saj serioz, dizajnuesja këmbëngul se ajo është një person “shumë i lumtur”, pavarësisht mënyrës sesi duket te publiku.
“Nuk jam aq e zemëruar sa dukem. Jam shumë e lumtur që kam këtë punë dhe këtë familje”, tha nëna e katër fëmijëve.
Burimi: Daily Mail
