Zgjedhjet që ka bërë Victoria Beckham gjatë dy dekadave janë të gjitha të dokumentuara. Por një nga pendimet e saj më të mëdha, kur flitet për estetikën, më shumë se sa për gabimet e modës, është veprimi i saj më i shumëpërfolur, zmadhimi i gjoksit.
Dizajnuesja foli për herë të parë për implantin e gjoksit në një letër të sinqertë drejtuar vetes së saj 18-vjeçare, ku pranon se i vjen keq “që është ngatërruar” me turpin e saj.
Ish-këngëtarja ka dhënë disa këshilla nga eksperienca e saj për projektin e “Vogue” në Britani. Teksa letra origjinale është publikuar në shtator të 2016-s, ajo u shpërnda online vetëm këtë muaj.
Ajo rrëfen në letër se si ka luftuar me pasigurinë e saj për pamjen duke i thënë vetes së saj në moshë të re: “Mëso të pranoni defektet tuaja. Kjo është ajo që dua t’u them. Lëre lëkurën tënde të marrë frymë, përdor më pak make up dhe mos lejo parukierin tënd të të modelojë vetullat! Efekti është i përhershëm
“Më duhet të të them, mos u ngatërro me gjokset e tua. I hedh poshtë gjithë ato vite. Një shenjë pasigurie. Gëzo atë që ke”, shkruan Victoria.
Nënë e 4 fëmijëve diskuton edhe momentin kur ra në dashuri me bashkëshortin e saj, prej 17 vitesh tashmë, David Beckham.
“Dashuria me shikim të parë ekziston. Të ndodhi ty në sallën e pritjes me lojtarin e Manchester United, megjithëse ishe pak e dehur dhe nuk i mban mend të gjitha detajet. Teksa lojtarët e tjerë qëndruan në bar për të pirë diçka me shokët, ti do të shihje David tek qëndronte me familjen e tij… dhe do të të kërkonte numrin”, vijon ajo.
Burimi: Daily Mail
