Stilistja e njohur Victoria Beckham mund të na ketë treguar një sekret sesi të ruajmë gjithnjë ngjyrën e xhinseve të preferuara.
Në një intervistë për “Elle”, Beckham ka thënë që ajo nuk i lan kurrë xhinset, vetëm nëse fëmijët ia bëjnë pis.
“Nëse fëmijët mi bëjnë pis xhinset atëherë duhet t`i laj patjetër me ujë të ftohtë. normalisht, nuk i laj fare. Zakonisht i var të ajrosen dhe të ruajnë formën”, ka thënë Victoria.
Dhe në fakt kur e mendojmë sesi jeton Victoria Beckham dhe sesi jetojmë ne, vështirë se do të funksiononte kjo metodë. Megjithatë një gjë është e sigurt, xhinset duhet që t’i lajmë sa më rrallë dhe në gradë të ulët. Vetëm kështu do të duken si herën e parë.
