Me një martesë që ka zgjatur 18 vjet, bota është intriguar prej kohësh për të njohur sekretin e marrëdhënies së lumtur të David dhe Victoria Beckham.
Dizajnuesja e modës 43-vjeçare tha me shaka se, nëse ajo “me të vërtetë ishte aq e mjerueshme” sa dukej në foto, ajo “sigurisht nuk do të ishte më e martuar”.
Duke diskutuar martesën e saj me David, ylli tha për “Vogue” në Holandë: “David dhe unë kemi bërë shumë qejf bashkë. Nëse me të vërtetë do të isha aq e mjerueshme sa dukesha në disa nga ato fotografitë e paparacëve, fëmijët e mi nuk do të ishin aq të lumtur sa janë. Dhe sigurisht që nuk do të isha e martuar”.
Victoria Beckham është e qeshur pas dyerve të mbyllura, pavarësisht pozave të saj serioze në tapetin e kuq.
“Nuk e di nëse janë koha që fotografohem dhe kritikat, por unë ndihem e ekspozuar, e prekshme dhe jokomode, nuk mund të jem vetja”, tha ajo për revistën “Sunday Times Style” vitin e kaluar.
Më vonë në intervistën e saj me “Vogue”, nëna krenare gjithashtu zbuloi se si ajo përshtatet në regjimin e saj të stërvitjes duke u kujdesur për të katër fëmijët.
“Vrapoj çdo mëngjes dhe stërvitem për një orë, më pas i kthehem kuzhinës për të bërë pure me avokado”.
Më pas ajo foli lidhur me ndjenjat e saj ndaj plakjes:
“Unë nuk jam e përsosur. Nuk duhet të dukem si 25-vjeçare. Jam 43 vjeç, që tingëllon më keq se sa ndihet. Përqendrohem në atë që kam arritur dhe ndihem e bekuar”.
Burimi: Harper’s Bazaar
