Që kur e ka marrë famën me pjesëmarrjen në grupin Spice Girls, ajo ka siguruar një emër si një ikonë mode me drejtimin e një linje të suksesshme veshjesh.
Por Victoria Beckham, 43 vjeç, tregoi se ndërsa ajo e ka ngritur veten në botën e modës dhe është bërë një femër e pakapshme në sytë e të tjerëve, kjo nuk do të thotë se s’mund të pyetet dhe të bisedojë me njerëz të zakonshëm.
Stilistja u shfaq nëpërmjet një iPad-i që mbante në dorë Derek Blasberg i Vanity Fair-it, teksa jepte këshilla stili për një shumëllojshmëri njerëzish që kalonin në Parkun Qendror të qytetit.
Sigurisht këto këshilla nuk ishin edhe aq falas, por kushtonin 2 dollarë. Blasberg kontaktonte Victoria-n sa herë që dikush i jepte 2 $, dhe mund ta pyeste për çfarëdo.
Ndër këshillat që u dha ajo fansave të saj ishte nëse duhet të vishesh me të bardha pas Ditës së Punës dhe çfarë këpucë duhet të veshësh me pantallona që shkojnë deri te kyçi i këmbës.
Gruaja e ish-futbollistit David Beckham, përshëndeti një klasë studentësh nga Indiana, dhe më pas i këshilloi të zgjedhin veshjet që i bëjnë ata të ndihen ‘të sigurt dhe të rehatshëm’.
