Në vitin 1997, në një kështjellë në Irlandë, Victoria dhe David Beckham u betuan për dashuri të përjetshme.
Edhe përse kanë kaluar 19 vite nga ajo ditë, ato ndjehen të dashuruar njësoj si ditën e parë. E ftuar në Samitin e Grave të Forbes në New York, Victoria hodhi poshtë njëherë e mirë thashethemet se çifti është në krizë dhe se po kryen procedurat e divorcit.
“Unë përpiqem shumë që të jem një nënë e mirë për fëmijët e mi. Unë përpiqem të jem grua e mirë dhe të jap më të mirën në profesion. Kur kthehem në shtëpi përpiqem ta lë mënjanë telefonin dhe të kaloj kohë me fëmijët dhe David” – tha Victoria, në Samitin e Grave të Forbes në New York City.
Por cili është sekreti i një martese të suksesshme? Stilistja tregon se ka balancuar jetën e saj personale dhe profesionale, me ndihmën e bashkëshortit të saj.
“Unë kam mbështetjen e një burri të mrekullueshëm. Ne me të vërtetë jemi të barabartë me gjithçka që bëjmë në shtëpi me fëmijët. Kur unë jam larg është David që i dërgon në shkollë apo që gatuan.” -përfundoi Victoria Beckham.
Çifti i famshëm ka katër fëmijë Brooklyn, 19 vjeç, Romeo, 15 vjeç, Cruz, 13 dhe vajzën Harper, 6 vjeç.
