Victoria Beckham ka treguar mbështetjen e saj për të dashurën e Bruklin, djalit të saj të madh.
Ajo madje e ka bërë publike për herë të parë aprovimin e saj për lidhjen, pasi aktorja Chloe Moretz, mbajti një fjalim të përzemërt në Konventën Demokratike Kombëtare në Filadelfia të enjten, në të cilën Hillary Clinton pranoi kandidimin për presidente në radhët e Partisë Demokrate.
Chloe u paraqit në natën e fundit të kuvendit, duke u ngjitur në podium dhe duke u bërë thirrje të rinjve të tjerë për të votuar. Bukuroshja gjithashtu njoftoi se ajo do ta japë votën e saj për Hillary Clinton.
“Nëse të gjithë bëhemi së bashku mund ta kemi të sigurtë që Hillary Clinton do të jetë presidentja e ardhshme e Shteteve të Bashkuara të Amerikës”, tha Chloe, duke ngritur grushtin e saj lart për të nxitur publikun të brohorasë.
Pikërisht nga kjo konventë ka shkëputur një foto edhe Victoria Beckham, teksa Moretz ka qenë duke folur në podium: “Pikërisht për këtë e kam fjalën! Fuqinë femërore #ImWithHer”, shkruan Victoria në “Instagramin” e saj.
