Një ngjarje e rëndë ka ndodhur pasditen e sotme në rrugën “Skënder Jareci”, në kryeqytet.
Mësohet se shtetasi me iniciale A.B., 49 vjeç, është vetëplagosur në banesë me armë gjahu.
Sipas policisë, 49 vjeçari vuante nga depresioni dhe kjo ka qenë arsyeja që e çoi drejt këtij akti.
Ai është dërguar menjëherë në spital, por fatkeqësisht nuk ka mundur t’i shpëtojë plagës dhe ka ndërruar jetë në spital.
Policia po vijon punën për sqarimin e mëtejshëm të rrethanave të ngjarjes.
Informacioni i Policisë:
Rreth orës 14:50, në rrugën “Skënder Jareci”, dyshohet se si pasojë e depresionit është vetëplagosur në banesë me armë gjahu shtetasi A. B., 49 vjeç, i cili u dërgua në spital për ndihmë mjekësore. Si pasojë e plagëve të marra,shtetasi A. B ka ndërruar jetë në spital. Grupi hetimor po vijon punën për sqarimin e mëtejshëm të rrethanave të ngjarjes.
