Supermodelja dhe nëna e re Gigi Hadid ka ndarë sot një foto të ëmbël gjatë kohës kur ishte shtatzënë, por askush s’e dinte. Në një postim në Instagram, ajo publikoi një foto gjatë sfilatës së saj në pasarelën e Jacquemus një vit më parë.
Në fotot e ndara nga ajo me fansat barku i rrumbullakosur nuk duket fare dhe as do e kishim marrë me mend se ka qenë shtatzënë asokohe po të mos na e kishte treguar vetë.
“Si sot një vit më parë @jacquemus! Vajza ime e vogël ishte aty!”-shkroi ajo në mbishkrimin e fotove.
Hidhuni nje sy:
Gigi Hadid është padyshim një nga modelet më të bukura në botë. Gjatë 2020 ajo ka qenë në qendër të vëmendjes, pasi u bë nënë.
Në shtator ajo dhe Zayn mirëpritën në jetë vajzën e tyre të parë emrin e të cilës ende nuk na e kanë zbuluar ndonëse modelja poston shpesh foto me të ne rrjetet sociale.
Ajo që mori vëmendjen e të gjithëve është fakti se si Gigi ka arritur të heqë çdo kilogramë të marrë gjatë periudhës së shtatzënisë. Ajo u shfaq menjëherë disa javë pas lindjes në super formë me një fizikë për tu patur zili.
Megjithëse s’kanë ndërmend ta tregojnë emrin, fansat janë të vendosur ta gjejnë me çdo kusht dhe në rrjet kanë qarkulluar variante të ndryshme të emrit të bebushes.
Së fundmi, fansat i janë futur kokë e këmbë albumit të Zayn Malik, “Nobody is listening”, për të gjetur aty ndonjë shenjë të emrit të vajzës së tij. Bazuar në njërën prej këngëve “River Road”, ata besojnë se emri i vogëlushes duhet të jetë River. Megjithatë, asgjë nuk është e sigurt!
