Ka shkuar në 821 numri i njerëzve që vuajnë nga Koronavirusi në Itali. Mediat bëjnë me dije se janë 46 të shëruar dhe 21 të vdekur.
Në mesin e 821 të infektuarve, 412 janë asimptomatikë ose me simptoma të buta, dhe janë në izolim në shtëpi; 345 janë shtruar në spital, 64 në kujdes intensiv.
Katër persona kanë vdekur sot, tre prej të cilëve janë mbi 80 vjeç dhe një 77 vjeç. Ende nuk e dimë nëse ata vdiqën si pasojë e Koronavirusit, pasi të moshuarit kishin edhe patologji të tjera.
“Të hënën postat do të rihapen në disa komuna për të paguar pensionet. Jeta do të vazhdojë rregullisht”, tha kreu i mbrojtjes civile Angelo Borrelli.
Rajoni më i prekur është Lombarida, ku janë të infektuar 531 persona. Ndërkohë ministri për Mirëqenien e rajonit Giulio Gallera në një konferencë për shtyp shtoi se nga 4835 të kontrolluar, 75% janë negativë, 11% pozitivë dhe 14% janë për t’u vlerësuar.
Ndikimet e Koronavirusit po ndihen edhe në ekonomi, pasi investitorët thanë se janë në pritje të një recesioni global.
/repubblica.it
