Sot mbahet nata finale e “Eurovision 2018”, në “Altice Arena” të Lisbonës, në Portugali.Në një intervistë për “Telegraf”, këngëtari që përfaqëson Italinë, Ermal Meta ka treguar emocionet përpara finales.
“Ndihem mirë dhe mezi po pres që të shkoj në skenë. Ndihem i nderuar që e përfaqësoj Italinë në këtë Eurovision që është plot me këngë të mrekullueshme. Ti nuk më ke bërë asgjë, iu drejtohet terroristëve, duke u thënë atyre, se ata nuk mund të na bëjnë asgjë, jemi më të fuqishëm se asnjëherë”, tha Ermal Meta.
Ermali, përshëndeti edhe të gjithë shqiptarët që e mbështesin.
“Dërgoj një përqafim të madh për të gjithë vëllezërit dhe motrat shqiptarë, dhe shpresoj se ata janë shumë krenarë për atë që janë: të talentuar, të lumtur dhe plot me vlera të mira”, ka përfunduar Ermal Meta.
Përveç Ermalit, në “Eurovision” këtë edicion kemi Eugent Bushpepën që përfaqëson Shqipërinë me këngën “Mall”, dhe Eleni Foureiran përfaqëson Qipron me “Fuego”.
