Ajla dhe Meri janë dy bebet e para që kanë ardhur në jetë në vitin 2021 në martenitetin “Mbretëresha Geraldinë” dhe “Koço Glozheni”.Dy bebushet kanë lindur vetëm 1 minutë pas mesnate.
Lajmin e ka bërë me dije ministrja e Shëndetësisë Ogerta Manastirliu nëpërmjet një postimi në rrjetet sociale, ku ka ndarë foto e dy vogëlusheve dhe mjekëve.
Në statusin e saj, Manastirliu, i cilëson të sapolindurat oguri më i mirë për vitin 2021.
“Mirë se erdhët Ajla dhe Meri! Dy vajza që erdhën në jetë të shëndetshme 1 min pas mesnate në maternitetin “Mbretëresha Geraldinë” dhe “Koço Gliozheni” në Tiranë janë oguri më i mirë për vitin që sapo ka ardhur”, shkruan Manastirliu.
2021 trokiti edhe në Shqipëri, që ashtu si e gjithë bota e ka pritur me padurim hyrjen e tij, si një lamtumirë për gjithë të këqijat që solli pandemia e COVID-19.
Ndryshe nga vitet e tjera, spektakli i fishekzjarreve ka sjellë shkëlqim në çdo lagje të kryeqytetit. Për shkak të pandemisë dhe mungesës së qytetarëve në sheshin kryesor të kryeqytetit, këtë vit spektakli i fishekzjarreve ishte menduar ndryshe. Përveç sheshit “Skënderbej”, çdo lagje ka pasur arenën e saj festive.
Tirana e priti ndërrimin e viteve kur akrepat e orës shënuan 00:00 me fishekzjarret shumëngjyrëshe që shkëlqyen në qiellin e kësaj mbrëmjeje.
View this post on Instagram
