Në mbrëmjen e Shën Valentinit, Kendall Jenner bëri publike lidhjen me basketbollistin e njohur, Devin Booker. Ishte vetë Kendall ajo që përmes një postimi në Instagram Story shpërndau një fotografi, teksa gjendej e përqafuar me lojtarin e NBA-së. Që prej atij momenti, ata të dy nuk janë fshehur asnjëherë dhe gjithmonë janë shfaqur bashkë në publik. Madje shpesh janë përfolur se lidhjen e tyre mund ta çonin në një tjetër nivel dhe Kendall në fakt e ka bërë realitet këtë gjë vetëm.
Së fundmi, modelja i ka luajtur një rreng të bukur motrave të saj, duke ju thënë se ishte fejuar me Devin (sigurisht kjo ishte një gënjeshtër). Gjatë një loje me motrën, Kourtney-n, Kendall u detyrua të shpikte historinë e fejesës dhe për ta bërë sa më të besueshme tek të afërmit e tjerë ajo gjeti një unazë, që të dukej se kishte marrë një propozim nga partneri.
Fillimisht ajo shkroi një mesazh të gjatë tek grupi i familjes, por askush nuk e besoi. Kylie Jenner ishte e para që nxitoi të telefonte Kendall, duke u shprehur: “Po gënjen”. Në fakt Kylie nuk e besoi për shkak se unaza nuk i qëndronte Kendall siç duhet dhe madje as Kim nuk e besoi.
“Kjo është idiotësi, pse duhej të na i bëje këtë gjë”, u shpreh Khloe e revoltuar pas rrengut të Kendall dhe Kourtney.
“Epo, të paktën e dimë që do gëzoheni shumë kur të vijë dita”, u shpreh Kourtney me shaka.
