Disa ditë më parë Elita Rudi që është në pritje të fëmijës së saj të dytë publikoi një status në Instastory ku shkruante se bullizimi ndaj grave shtatzëna ditët e sotme është i egër dhe komentet janë shumë të ulëta.
Me të drejtë, Elita shkruan se nëse nuk ju pëlqen një personazh thjesht mos e ndiqni, pa patur nevojë ta ndikoni me mesazhe dhe komente të tilla.
Këtë problem duket ta kenë edhe figura të tjera publike dhe po kthehet në një fenomen shqetësues. Ishte Sara Hoxha ajo që shkruante të njëjtat gjëra mbrëmjen e djeshme në Instastory.
E përballur nga komente të tipit “Nuk je e para që ngel shtatzënë”, “Sikur vetëm ti je shtatzënë”, “Na lodhe”, Sara ka vendosur që më në fund të reagojë.
Ajo shkruan se nuk e kupton përse njerëzit po lodhen më shumë se ajo nga pritja e ëmbël, teksa shton po ashtu se për të pjell, pjell vetëm lopa.
O njerëz të dashur dhe të mirë! E kuptoj se jeni në ankth më shumë se unë për lindjen time por s’kemi ç’të bëjmë do presim edhe pak. Por vetëm diçka nuk kuptoj, ju që më thoni “Na lodhe, na lodhe”, pse po lodheni më shumë se unë? Apo më doni kaaaq shumë saqë doni të merrni nga lodhja ime? Unë e di që për të pjell, pjell lopa. Kështuqë shumë shumë faleminderit për dashurinë!
Dashur-padashur Ledri dhe Sara janë kthyer në çiftin më të komentuar të showbiz-it shqiptar dhe prej muajsh kanë qenë kryefjalë e mediave.
Pak muaj më parë na konfirmuan lajmin se do bëhen prindër për herë të parë me anë të një super videoje.
Ndonëse kishte goxha javë që mediat shkruanin për ta, çifti kishte vendosur të qëndronte në heshtje deri në fund të muajit korrik, kur na treguan se po presin një vajzë.
View this post on Instagram
Sara nuk është treguar aspak e kursyer në këtë periudhë të veçantë duke ndarë me ndjekësit e saj në rrjetet sociale detaje nga shtatzënia, që nga këshillat te problemet shëndetësore dhe te fotot e bukur që na zbukurojnë Instagramin.
Disa javë më parë, çifti më IN i showbizit realizoi një super baby shower, me të ftuar figura publike, njëherazi dhe miq të tyre, duke festuar deri vonë me këngë e valle.
View this post on Instagram
Së fundmi, ata janë zhvendosur në Gjermani ku do vijë në jetë bebushja e tyre, e cila si duket do i mbajë edhe pak duke pritur.
Sara ka ndarë disa herë foto nga salla e pritjes në spital por duket se duhet edhe pak kohë. E teksa e vogla e saj është rrugës Saranuk ka humbur momentin për t’i bërë një super lojë Ledrit pak ditë më parë.
View this post on Instagram
Ledri duket se do jetë vërtetë shumë i lidhur me vajzën e tij.
Kujtojmë se pak javë më parë babi Ledri publikoi këngën e parë(sepse me siguri do publikojë dhe të tjera) dedikuar të bijës.
Kënga titullohet “Si baba” dhe është një dedikim mjaft i ndjerë, që preku zemrat e fansave.
