“Snapchat” solli risinë e filtrave të ngjyrave për fytyrën dhe postimet vetëm 24 orëshe, pas tij shumë aplikacione nisën që ta kopjonin. Tashmë “Instagram” ka shtuar një përditësim të ri.
Në aplikacionin në pronësi të “Facebook” vijnë filtrat e fytyrës, që nga veshët e koalës, tek ekuacionet matematike që rrotullohen rreth kokës, “të preferuarat” e Mark Zuckerberg, i cili ka qenë vetë i pari që ka postuar këtë risi në “Instagram”.
Si fillim janë tetë filtra në dispozicion për “selfie”, foto dhe video, që i mbivendosen pamjeve.
Risitë nuk kanë fund. Në “Instagram” do të jetë e disponueshme të krijoni video që riprodhohen në sens të kundërt me funksionin “Mbrapsht”. Në “Stories” mund të shtohen edhe hashtag, qoftë edhe me funksion tekst. Dhe në fund vjen dhe funksioni “Gomë” për vizatimin, falë së cilës mund të fshijmë elemente të tjera apo të hiqni disa ngjyra.
Përditësimet janë të vlefshme duke nisur nga versioni 10.21 i “Instagram”-it për celularët iPhone dhe Android.
