Që stili i motrave Kardashian-Jenner është një nga më të preferuarit këtë mund ta kuptojmë duke parë postimet e rrjeteve sociale. Femrat kudo në botë po frymëzohet nga 5 motrat, nga stili i veshjes apo i jetës.
Por kush e mendonte se një markë do të ishte aq e shpejtë për të kopjuar një fustan të saj, sa ta sillte për 3 orë?! Apo po fshihet diçka tjetër pas kësaj?
Kim Kardashian postoi një foto me një fustan ngjyrë të artë, ndërsa në mbishkrimin e saj shkruante:
“Duke parë disa foto të vjetra, gjeta këtë veshje të artë që Kanye bëri për mua për udhëtimin në Miami verën e kaluar. P.S. Markat e modës së shpejt ju lutem prisni pak derisa ta vesh, para se ta nxirrni në treg”.
Por vetëm tre orë pas këtij postimi, marka e masës së gjerë “Missguided”, publikoi një kopje të fustanit, ndërsa paralajëmroi se do t’i jepte vetëm disa ditë kohë Kim-it para se ta nxirrnin në shitje.
Fustani, i cili prezantohet përmes modeles së njohur shqiptare Arbenita Ismajli, ka dallime të ndryshme nga ai origjinali, por cilësia vjen me çmimin.
Faqja në Instagram “Diet Prada” shkruan se, ky mund të jetë një bashkëpunim i maskuar mes Kim-it dhe markës ose ka ndonjë atelie të fshehtë magjike, që veshjet i bën brenda pak orësh.
Profili shkruan se e ka kuptuar lojën e Kim, ndërsa e cilëson gjestin e saj si mungesë të transparencës, që duket se po kthehet në një prej problemeve më të mëdha në mediat sociale.
Gjithsesi, ne vlerësojmë faktin se ka një tjetër arritje për modelen nga Kosova, që me siguri me këtë veshja ka tërhequr akoma më shumë vëmendjen e përdoruesve të Instagram-it.
Burimi: Instagram/Iconstyle.al
